Vaðið í sama pollinn......

Ég hef verið að skoða ýmislegt síðustu árin. Uppbyggingar efnahags og stjórnsýslukerfa, líftíma þeirra og þróun og niðurstaða mín er sú að við stöndum á breytingar punkti. Ekki bara við Íslendingar heldur flest öll vestræn ríki líka.
Við höfum nú verið með efnahags og stjórnsýslu kerfi sem hafa nýst okkur og þróast með okkar samfélögum þar til nú þegar þau springa og við sjáum að endurskoðunar og breytinga er þörf.
Munurinn á okkur hér á Íslandi, ef litið er til Evrópu og Bandakíkjana er að við erum lítið eyjasamfélag. Fyrir þá sem ekki vitið þá er til heil félagasamtök (ISISA) lærðra og ólærðra sem eru bara í því að skoða þessi samfélög.
Lítil eyja samfélög eru öðruvísi uppbyggð og með aðrar þarfir heldur en stór vestræn samfélög og þar af leiðandi er ekki vinnandi vegur fyrir þau að taka bara upp kerfi, hvort sem er í efnahag eða stjórnsýslu, án þess að endurhanna þau svo þau passi eyjasamfélagi.
Okkar þarfir og áherslur, til dæmis hvað varðar vöru-inn og útflutning, liggja á öðrum sviðum en hjá Dönum sem keyra bara yfir næstu landamæri til viðskipta.
Það sem þetta botnar í er að við hrunið skapaðist visst svigrúm til endurhugsunar á þessum hlutum. Og spurningarnar sem stjórnmálamenn hefðu átt að vera að spyrja í samvinnu við almenning voru til dæmis.:"Hvað hentar okkar stærð af samfélagi?", " Hvað getum við nýtt annarstaðar frá og hvað verðum við að hanna sjálf í kerfinu?", "Hvernig fáum við það besta út úr því sem til er án þess að ganga á lífsgæði og afkomu okkar sem samfélags?" Og svo framvegis í lange baner.
Þetta var ekki gert og verður ekki gert af þessari ríkisstjórn, ég efast líka um að það verði gert af þeirri næstu. Þess vegna vöðum við sama pollinn aftur og aftur í átt að engu og það í sjálfu sér ekki góð staða.
Ég er enn þeirrar skoðunar, 4 árum eftir hrun, að við fengum flott tækifæri í þessu hruni og það var okkar að nýta það. Ég er líka þeirrar skoðunar að við munum nýta þetta tækifæri þó það verði ekki, eins og nú lítur út fyrir, fyrr en með þarnæstu ríkisstjórn.
Vonin um að við förum að vaða aðra ferskari polla er til staðar og fer ekki neitt.

Athugasemdir

[Ásthildur Cesil Þórðardóttir, 17.1.2013 kl. 17:30]

Við verðum að halda í vonina, það dugar ekki annað. 

[Ásta Hafberg S., 17.1.2013 kl. 17:49]

Auðvitað gerum við það. En vandamálið er nú kannski pínulítið það að breytingar sem þessar eru ekki gerðar á einni nóttu og ef það gerist ekki með næstu ríkisstjórn þá líða 4 ár í viðbót sme amenningur hefur ekki efni á. Til dæmis tekur tíma að innleiða alvöru þáttökulýðræði. Það tekur líka tíma að gera þannig breytingar á efnahagskerfinu að almenningur verði ekki alltaf að borga ef eitthvað fer úrskeiðis hjá fjármálastofnunum og fjárfestum, það tekur tíma að endurskoða og skilgreina hlutverk Seðlbanka upp á nýtt. Það tekur líka tíma að samræma og finna bestu lausnir á vanda heimilana og lánum þeirra. Og svo framvegis.

[kolla Palla (IP-tala skráð) 17.1.2013 kl. 18:14]

Ég verð að segja það Ásta mín að ég er svo sammála að ég þarf ekki að bæta við orði.Enda miðaðist alltaf mín barátta við næstu kynslóðir og gerir enn

[Ásthildur Cesil Þórðardóttir, 17.1.2013 kl. 18:41]

Já þá er málið að fólk ræði saman og sníði agnúa af málum, og byggja upp það þjóðfélag sem við viljum sjá. 

[Ásta Hafberg S., 17.1.2013 kl. 19:15]

Já Kolla það þarf að smíða framtíðarsýn fyrir land og þjóð. Það þýðir ekki að fara í sama pollinn aftur og aftur eins og gert hefur verið. Ég segi bara aftur að ég held að við verðum því miður að fara í gegnum enn eina ömurlega ríkisstjórn áður en við komumst í framtíðaruppbyggingu.

[Sigurður Þórðarson, 17.1.2013 kl. 20:15]

ESB aðild er atvinnuskapandi fyrir sér-fræðinga en íþyngjandi fyrir almenning í dvergríki. Rétt Ásta við höfum allt aðra auðlinda- og útflutningshagsmuni en Danir.

[Ásta Hafberg S., 17.1.2013 kl. 21:52]

Já en þurfum við ekki að vera með framtíðaratvinnuþróunarstefnu fyrir almenning hér í þessu landi líka. Við þurfum í alvöru að endurhugsa hvað við erum að gera og hvernig við erum að gera það alveg frá grunni.

[Árni Gunnarsson, 17.1.2013 kl. 23:24]

Þessi skilgreining þín á eyjasamfélögum v.s. samliggjandi ríki á meginlandi er nákvæmlega sú sama og ég hef reynt að hamra á í áraraðir. Reynsla mín af þeirri baráttu er dálítið undarleg.

Það er ýmist að fólk skilur þetta ekki eða vill ekki reyna að skilja það.

Ég hef reynt að einfalda málið með því að tala um 10 stráka, hvern frá afmörkuðu málsvæði, sem pissa í sama lækinn sem rennur eftir endilangri heimsálfunni.

Óskiljanlegt!

Fólk vill ekki skilja það að sérstaða okkar er auðlind.

Flestir líta á svona tal sem þjóðernishyggju og þjóðernisrembing.

Einfeldnin hefur numið land og mér sýnist hún ekki vera á förum enda er hún kostuð af ESB.

[Ásta Hafberg S., 17.1.2013 kl. 23:30]

Þetta er einmitt kjarni málsins. Smæðin og sérstaðan er auðlind og ekki ókostur. Þetta er ekki spurning um þjóðernishyggju eða rembing heldur að líta á þjóðfélagið, stærð þess og legu og sníða stakk sem passar á okkur og ekki einhvern sem er 10 númerum of stór.

[Gunnar Freyr Hilmarsson (IP-tala skráð) 18.1.2013 kl. 10:38]

Nú er lag Ásta . Gefum ekki upp vonina á þessum alþingiskosningum, kraftaverkin gerast enn ;)

[Guðni Karl Harðarson, 26.1.2013 kl. 00:34]

Svo sammála þér Ásta nema það að ég held að þetta gerist mikið fyrr!

[Ásta Hafberg S., 26.1.2013 kl. 00:39]

Ég vona svo sannarlega að það sé rétt hjá þér. ;)