Sjálfbærni er töff og cool

Það birtist frétt á vísi áðan um Bhutan og hvernig þau stefna á að rækta allt lífrænt sjá hér 

Ég á mér draum um að svona frétt birtist einhvern tíma um Ísland. Frétt um að sett hafi verið stefna í sjálfbærni sem er einhvers virði og til langs tíma. Stefna sem er skýr og markmið sem eru kristaltær. Þar sem Ísland myndi verða í framvarðasveit fyrir það sem mun verða að gerast á jörðinni á næstu árum. Við verðum öll hér á jörðu að stefna á meiri sjálfbærni og það á einhvern raunverulegan hátt.

Það þýðir ekkert að fara að tala um grænt hagkerfi og rammaáætlanir sem eru bara orð á blaði og engin raunverulega framkvæmd til framtíðar.

Það verst er að Ísland hefur allt til að verða leiðandi á þessu sviði. Við erum mátulega lítil þjóð til þess að svona breyting geti tekið frekar stuttan tíma ef allir leggjast á eitt. Við eigum menntað fólk, mannauð og auðlindir. Allt er til staðar en við erum EKKI að nýta það til að gera sjálfbærni áætlanir sem vilja eitthvað. 

Í stað þess að taka okkar eigið skref í þessum málum sem passar okkar þjóðfélagi og stærð þá eltumst við við að taka upp og keyra nýfrjálshyggju kerfi hinna vestrænu landa með sínum miðjumoðs áætlunum um sjálfbærni, umhverfi og náttúru.

Það er meira töff að taka upp sínar eigin stefnur byggðar á raunverulegum markmiðum um alvöru sjálfbærni sem hentar okkar þjóðfélagi en að eltast við áætlanir sem hafa alltaf að leiðarljósi einhverstaðar að þóknast fyrirtækjamenningu með ósk um skjótan hagnað. 

Förum af stað í þetta því Ísland hefur allt til að verða eins töff og cool og Bhutan.  

Athugasemdir

[Kolla (IP-tala skráð) 25.5.2013 kl. 21:42]

þetta er svo rétt hjá þér sys.Við megum ekki gefst uppá að tuða um þetta

[Guðjón E. Hreinberg, 25.5.2013 kl. 21:54]

Svona kemur hingað mín kæra. Það er óhjákvæmilegt, því daglega vaknar nýr Íslendingur upp af svefni fjölmiðlasvæfingar og áttar sig á hvaða gildi sköpuðu landið okkar. Sem voru að mínu mati þau sömu og þú ert að rita um hér.

[Guðni Karl Harðarson, 26.5.2013 kl. 00:43]

Hefur þú ekki tíma núna til að vinna að því sem þú sagðist ætla að gera Ásta?

[Guðni Karl Harðarson, 26.5.2013 kl. 00:45]

Það mætti þannig líka blanda inn í sjálfbærni nokkru sem kallaðar eru dyggðir og svo þátttökulýðræðið góða.

[Ásta Hafberg S., 26.5.2013 kl. 01:12]

Jú Guðni nú fer ég að fá tíma aftur. Sem betur fer.