Yfirlýsing vegna framboðs míns fyrir Frjálslynda flokkinn

                                     

Ég hef ákveðið að gefa kost á mér til kosninga á vegum Frjálslynda flokksins í komandi alþingiskosningum. Þetta geri ég þar sem staðan í þjóðfélaginu á núverandi tímapunkti kallar á fólk sem er með ferska hugmyndavinkla og þorir að setja fram breytingartillögur sem byggja á framtíðarsýn fyrir landið okkar í heild.

Ég tel mig geta komið með slíkar hugmyndir og unnið með öðrum að því að byggja upp Ísland til framtíðar. Land sem við enn þann dag í dag getum verið stolt yfir að tilheyra.

Með sameiginlegu átaki getum við snúið þessari neikvæðu efnahagslegu þróun við og byggt upp kerfi sem þjónar fólkinu í landinu en ekki bara einstaka aðilum þess.

Það er mikil vinna framundan hvað varðar heimilin í landinu, fyritækja og atvinnuupbyggingu og ekki síst við að búa okkur félagslegt öryggiskerfi til framtíðar.

Þar af leiðandi er nauðsynlegt að fara nýjar leiðir í uppbyggingu og styrkja um leið auðlindir og mannauð sem við eigum til staðar í þjóðfélaginu til betri nýtni og afkomu fyrir þjóðina.

 

Þar á meðal er:

• Kvótinn og endurskoðun hans
• Stuðningur við og endurskipulag/fjármögnun fyrirækja
• Þróun og stuðningur við hverkyns sprota
• Áhersla á smærri og meðalstór fyrirtæki
• Fyrirtækjum gert kleift að framleiða innanlands til útflutnings
• Verðtryggingin fryst með það að sjónarmiði að fella hana niður
• Eins einstaklingsmiðaðar lausnir vegna vanda heimilana og hægt er að koma við
• Gegnsæi í bankakerfinu
• Gegnsæi í stjórnarkerfinu
• Stjórnlagaþing
• Þjóðaratkvæðagreiðslur
• Raunhæfar lausnir á gjaldeyrismálum

 

Að leiðarljósi verður að hafa, að þessi uppbygging mun ekki gerast frá einum degi til annars og að langtímaáætlanir sem lifa af meira en eitt kjörtímabil eru nauðsynlegar.

Þetta er vinna sem ég er tilbúin í með hag okkar sem þjóðar að leiðarljósi.

Ég tel það kost að ég hef ekki verið viðriðin stjórnmál eða flokka áður og hef því ómengaða sýn sem þó má nýta í starfi sem þessu.

 

Athugasemdir

[Þorðue Sævar Jonsso (IP-tala skráð) 11.3.2009 kl. 17:21]

             List vel a þetta !! 

[Hanna Birna Jóhannsdóttir, 12.3.2009 kl. 00:49]

Gott að fá duglegt fólk og síður duglegar konur.