Fyrir hvern?

Hverjum er ríkisstjórn okkar að þóknast þarna?

Hvað er markmiðið með þessari undirskrift?

Er málið að sýnast stór og flott gagnvart alþjóðasamfélaginu í stað þess að viðurkenna að þetta sé of stór biti fyrir okkur?

 Er ennþá verið að lifa í einhverju sýndarveruleika þar sem þetta "reddast" allt á einhvern undursamlegan hátt?

Það er heimskreppa en alltaf er viðkvæðið hér að eignir bankana munu fara upp í skuldirnar. Ok gefum okkur að kreppan lagist ekki á næstu árum, hvað verður þá um eignir bankana? Ekki halda þær virði sínu eða stíga í virði. Hvernig á þá að borga þetta eftir 7 ár? Það er áætlunin sem ég vil sjá.

Það er verið að gambla með framtíð okkar og barnanna okkar á altari sýndarmennskunnar. Það er ekki LEYFILEGT að gera það. Það þarf að sýna langtíma áætlun út af þessum samningum í 3 útgáfum, allt gengur vel og hægt að losa okkur út úr þessu með eignum bankana að 7 árum liðnum, allt gengur ok og eftir stendur einhver skuld þegar eignir bankana fara upp í greiðslu á láninu, allt gengur ömurlega og eignir bankana hafa bara engan veginn náð að borga neitt. Hvað á að gera þá?

Í dag erum við sem þjóð matreidd á borði ESB að skilmálum AGS, er það virkilega það sem við viljum? Viljum við halda áfram að láta leiða okkur eins og viljalaust verkfæri í okkar eilífu þrælslund til slátrunar?

Ef þetta væri að gerast erlendis myndi fólk mótmæla og láta í sér heyra og okkur myndi finnast það rosa flott. En við gerum ekki svoleiðis vegna þess að nágranninn gæti sé okkur og fundist við hallærisleg. Frekar töpum við landi og láði í okkar eigin hégóma.

Það eru til leiðir út úr þessu , en því miður er ekki verið að hlusta og því lengri tími sem líður því erfiðara verður að snúa á réttan kjöl.

Getum við haldið áfram að sitja undir þessu? Eða réttara sagt, ætlum við að halda áfram að sitja undir þessu?

Athugasemdir

[Dóri (IP-tala skráð) 6.6.2009 kl. 13:52]

Fólk er öskureitt vegna Icesave.  Björgólfsfeðgar áttu Landsbankann gamla og ótrúlegt að eignir þeirra voru ekki frystar strax.  Ég vona að Alþingi beri gæfu til að neita þessum samningi.  Þetta er nauðasamningur og býður upp á íslenskar þrælabúðir fyrir hinn íslenska launþega næstu áratugi.

 Ætlar ruglið hér á landi engan endi að taka ???  Nú á hinn almenni launþega og börn hans að borga útrásarsukkið.  Það þarf að taka þetta mál alveg frá byrjun aftur.  Það er ekki of seint.  Það tekur kannski langan tíma en það er þess virði.

Á meðan spóka feðgarnir sig á lúxussnekkjum í útlöndum og láta Jón og Gunnu borga sukkið.