Skjaldborg heimilanna.....kemur frá bönkunum?

Það virðist sem skjaldborg sú sem núverandi ríkisstjórn lofaði muni koma frá bönkunum sjálfum, kaldhæðnislegt.

Margir voru þeir sem töluðu um strax í haust að koma þyrfti til afskrifta á skuldum einstaklinga, fyrir það þvertóku bæðu S og VG. Nú er staðan raunverulega þannig, að vegna aðgerðaleysis stjórnvalda erum við að tala um afskriftir, líklega í massavís fyrir heimilin.

Hefði ekki verið betra að keyra inn Biðreikningafrumvarp F eða þess vegna 20 % afskriftir B á sínum tíma. Eða er það eilíft viðkvæði  að það verður að láta fólk fara í þrot áður en því verður hjálpað.

Ég held að eitthvað hafi Norræna Velferðarstjórnin okkar misskilið orðið forvarnir, svona eins og þau virðast hafa misskilið orðasamhengið Norræn Velferðarstjórn.

Ráðþrota gegn úrræðaleysi

Athugasemdir

[Steinhissa (IP-tala skráð) 14.7.2009 kl. 09:40]

Heyr heyr.........ég get ekki annað en tekið undir þessa athugasemd.  Jóhanna hefur ekki gert annað en að býsnast yfir ástandinu, látið það hafa eftir sér að ástandið sé meira að segja verra en hún hafi búist við en samt hefur hún ekki séð ástæðu til að koma heimilunum til aðstoðar svo neinu nemi   (einhver greiðsluaðlögunarlög og tilfærsla á barnabótum eru bara grín aðgerðir í þeim hamförum sem nú ríða yfir).

[Árni Gunnarsson, 14.7.2009 kl. 12:41]

Svo virðist sem ríkisstjórnin hafi ákveðið að halda skuldum íbúðaeigenda í nafverði. Ástæðan getur ekki verið nema ein þ.e. sú að falsa eignastöðu bankanna á meðan eignir þjóðarbúsins eru taldar skipta máli í pólitískum uppgjörsmálum.

Hagsmunir fólksins virðast algert aukaatriði í samfélagi skýrsluhaldsins sem tók við af samfélagi fólksins á Íslandi.