Icesave, engin uppgjöf

Icesave er orðið þannig mál að um leið og maður heyrir orðið rennur manni kalt vatn á milli skinns og hörunds. Það er orðið þannig mál að maður fær martraðir á nóttunni sem innihalda Icesave og AGS. Hverjum hefði dottið það í hug fyrir ári síðan ?

Þegar að "fyrsti" samningurinn var undirritaður sagði Brown að hann væri bindandi. Sem betur fer, þó það sé ekkert betur fer við þetta mál, hafði tekist að setja inn klausu um að Alþingi Íslands yrði að samþykkja samninginn til að hann væri gildur og að Alþingi gæfi sér þann rétt að setja inn fyrirvara. Bara gott mál og það eina sem er gott við þetta mál.

 Auðvitað telur Brown samningin bindandi núna líka, forsætis og fjármálaráðherra eru búin að skrifa undir þennan ósóma. Að mati Browns er atkvæðagreiðsla Alþingis formsatriði, svo viss er hann um að þetta fari í gegn.

Ég fer ekki oft á hnén, en það liggur við að ég geri það núna. Biðla til þess að Alþingi sjái sóma sinn í að fella þennan óskunda, biðla til þess að forsetinn skrifi ekki undir og biðla til þess að Íslenska þjóðin gefist ekki upp og mæti í þúsundatali niður á Austurvöll á laugardaginn og sýni hvað í henni býr.

Við verðum nefnilega að hafa það alveg á hreinu að allt sem er að gerast núna í þjóðfélaginu Icesave, skattahækkanir, niðurskurður, tjaldborg heimilanna og svo má lengja telja, er allt samtengt.

Ef við stoppum ekki Icesave, ef við spyrnum ekki fótunum gegn AGS og ef við látum stjórnvöld ekki vita hvað okkur virkilega finnst, þá mun ekkert gerast og við getum kvatt velferðakerfið okkar næstu áratugi.

 

Brown álítur Icesave bindandi

Athugasemdir

[Geir (IP-tala skráð) 26.11.2009 kl. 14:38]

Þá er um að gera að kvitta á InDefence og mæta á austurvöll um helgina, þá ertu að hafa áhrif á þetta ljóta mál.

[Ásta Hafberg (IP-tala skráð) 26.11.2009 kl. 15:01]

já veistu ég er alvarlega að íhuga að fljúga í bæinn á laugardagsmorguninn svo ég geti mætt. Búin að kvitta hjá Indefence.

Sjáumst vonandi á Austurvelli bara ; )

[Ásthildur Cesil Þórðardóttir, 26.11.2009 kl. 21:58]

Ásta ég er alveg sammála þér.  Ég er búin að fá upp í kok af Icesave, ESB, Jóhönnu og allri samfylkingunni eins og hún leggur sig.  Þetta er landráðafólk svei mér þá.