Fundargerð og líkan frá okkur sem hittum AGS í Seðlabankanum

Athugasemdir

[Árni Gunnarsson, 8.12.2009 kl. 09:03]

Kærar þakkir fyrir þessar stórmerkilegu upplýsingar. Reyndar verður maður agndofa þegar upplýsingar um svona svívirðilegt sjónarspil birtast fyrir augum manns svart á hvítu. Reyndar sé ég að þið hafið spurt þennan mannfjanda nákvæmlega sömu spurninga og ég hefði gert hefði ég átt þess kost.

Eiginlega brestur mig orð til að lýsa þeirri ófyrirgefanlegu heimsku sem það lýsir að fullyrða að fullnusta þessarar skelfilegu fjárkúgunar sé leið út úr þeim vanda sem þjóðin stendur frammi fyrir. Þetta er auðvitað ekki heimska; þetta kallast hreinlega óskammfeilni. 

[Hulda Elma Guðmundsdóttir, 8.12.2009 kl. 10:36]

Takk fyrir þetta Ásta, svona ítarlegar upplýsingar eru okkur nauðsynlegar. Ég er alfarið á móti ESB og vil ekkert með AGS að hafa, en hvað veit ég?

[Marinó G. Njálsson, 8.12.2009 kl. 13:04]

Flott að fá þetta svona.  Var svo sem búinn að sjá eitthvað af þessu hjá Agli.

Ég vil nefna að ég hitti þá félaga deginum áður og fannst þeir vera mun hreinskilnari en íslensk stjórnvöld.  Þeir vita vissulega ekki allt og sumt verður að leika af fingrum fram.  Ég held að við ættum hvorki að líta á AGS sem vin okkar eða óvin, en samt einhvern sem nauðsynlegt er að vera í góðum samskiptum við.  Ég upplifði t.d. mikla óþolinmæði hjá Mark varðandi hvað hlutirnir ganga hægt hérna og hvað stjórnvöld og fjármálafyrirtæki hafa gert lítið fyrir almenning.