Líf okkar á vogarskálum

Það er verið að keyra okkur út í horn sem þjóð.

Við horfum fram á skattahækkanir og niðurskurð í velferðakerfinu næstu árin. Norræna velferðakerfið er eitthvað sem við Íslendingar munum geta látið okkur dreyma um eins og svangt barn sem stendur fyrir utan bakaríið.

Margir eru búnir eða eru um það bil að missa vinnuna og þeir sem ekki missa hana munu bara borga hærri og hærri skatta næstu árin, fyrir utan að taka á sig launaskerðingar.

Hættan á því að  við munum þurfa að borga fyrir læknisþjónustu og aðgerðir í mun meiri mæli en nú er, er orðin raunveruleg.

Hættan á lokun skóla, styttingu þeirra og versnandi kennslu er einnig orðin að raunverulegri ógnun.

Bensín hækkar, matur hækkar, raforka hækkar og okkar lífsskilyrði versna með hverjum deginum sem líður.

Á hliðarlínunni stendur AGS með sínar áætlanir, sem hafa aldrei í sögu sjóðsins verið smíðaðar fyrir það fólk sem býr í löndunum sem þeir aðstoða. Þeirra áætlanir miða að enduruppbyggingu fjármálageirans á kostnað hins almenna borgara.

Icesave er svo bundið við AGS órjúfanlegum böndum. Stjórn sjóðsins hefur staðið í vegi fyrir að okkar mál komist áfram innan veggja vegna Icesave.

Fyrirgefið en í dag finnst mér vera algert aukaatriði hvort að fyrsta hægrisinnaða vinstristjórn í heimi lifi af. Það eru bara miklu stærri mál í húfi en líf þessarar stjórnar.

Líf og afkoma heillar þjóðar er í húfi og er sett á vogaskálarnar, og fyrir hvað? Hégóma einhvers fólks sem á að vera að vinna fyrir okkur og með okkur sem þjóð og land í fyrsta sæti.

ALLTAF

 

 

Átök innan Vinstri grænna

Athugasemdir

[Styttingur (IP-tala skráð) 29.12.2009 kl. 21:05]

Ég er algerlega sammála þér. Nú er málið hvort við stöndum saman sem þjóð með sjálfstæði okkar að leiðarljósi.

Við eigum ekki að láta erlendar stórþjóðir skikka okkur til að borga það sem okkur ekki ber. Með fulltingi AGS er þeim að takast að láta veiklundaða stjórnmálamenn veðsetja auðlindir þjóðarinnar.

Og hvað ef við göngumst ekki við þessu?

Ekkert ESB og ekkert AGS?

Og hvað skeður þá?

EKKERT annað en þessar þjóðir verða að slá af kröfum sínum. Við verðum að standa vörð um okkar helgustu gildi; heilbrigðiskerfið, menntun, að allir hafi að borða og öllum okkar börnum sé gert jafnt undir höfði.

Skítt með það þó við þurfum að banna innflutning á glæsibifreiðum til að spara gjaldeyri.

[Ásta Hafberg S., 29.12.2009 kl. 21:19]

Já Styttingur, þetta er málið. Við þurfum að standa saman sem ein heild. Það hefur komið fram að þessi samningur sé hvorki góður né sanngjarn.  einnig er alvarlegur vafi um hvort yfirhöfuð sé ríkisábyrgð á þessu. Af hverju ættum við að samþykkja hann? við fáum ekkert út úr því nema skuldaánauð um ókomin ár.

Icesave er kannski ekki stærsta skuldin en þar sem það eru aðrar stærri í farvatninu hvers vegna eigum við það að taka þetta líka?

Innganga í ESB er hvort eð er ekkert annað en glapræði akkúrat núna. Það er langur og strangur vegur í upptöku Evrunnar, þegar verður loksins búið að semja. ESB er ekki gjarnt á að breyta út af vana eða reglum og ég sé ekki af hverju ESB ætti að breyta starfaðferðum fyrir Ísland.

Það átti allt að batna hér um leið og umsóknin var send af stað en samt er síðasta gangi íslensku krónunnar skráð í desember 2008 hjá Central Bank of Europe.

Það er því miður búið að hafa þjóðina að fífli í þessu máli eins og mörgum öðrum undanfarin ár.

[Gunnar Skúli Ármannsson, 29.12.2009 kl. 21:23]

Sæl Ásta,

hjartanlega sammála þér. Mér finnst með ólíkindum að síendurtekin rök í málinu virðast ekki bíta, en kannski holar dropinn steininn, hver veit...

[Ásta Hafberg S., 29.12.2009 kl. 21:28]

Blessaður Gunnar, það er verst að eins og staðan er í dag þá þyrftum við eins og einn Gullfoss á blessað grjótið ; ).

Við skulum vona það besta........

[Styttingur (IP-tala skráð) 29.12.2009 kl. 22:04]

Það er sorglegt að þetta sé yfir okkur að ganga.

Það er viðurkennt að þetta er karafa ekki skuld; sjá 2. gr. http://www.althingi.is/altext/138/s/0076.html