Þetta er jákvætt

Mér finnst þetta jákvæðustu fréttir sem ég hef lesið í marga mánuði, ef undan er skilið þegar tilkynnt var að Eva Joly tæki við starfi sem rágjafi vegna hrunsins.

Það er vonandi að með því að fá inn óháða, faglega aðila sem eiga engra eigin hagsmuna að gæta hérlendis, að einhver skriður komist á þessi mál. Mér fannst líka athyglisvert að SFO hefur samband við Evu Joly og ekki hérlenda fagaðila.

Það vona ég að stjórnvöld hafi nógu mikinn manndóm til að taka þessari aðstoð opnum örmum og nýti sér fagkunnáttu annarra í þessum málum. Þau skulda okkur þjóðinni að ötullega sé farið í alla svikastarfsemina sem hér hefur verið við lýði.

Það sem mér fannst verst við að lesa þetta var að það rann upp fyrir mér að ég treysti engum sem nú sitja við stjórnvölinn hérlendis til að fara í þetta. Í raun treysti ég þeim ekki fyrir neinu sem viðkemur heill lands og þjóðar.

Bretar bjóða aðstoð við rannsókn á bankahruni

Athugasemdir

[Offari, 8.8.2009 kl. 11:40]

Jákvætt ef aðstoðin verður þegin.

[Magnús Óskar Ingvarsson, 8.8.2009 kl. 11:48]

Mikið er ég sammála þér!

[Ásthildur Cesil Þórðardóttir, 8.8.2009 kl. 13:25]

Sammála hverju orði. 

[Árni Gunnarsson, 8.8.2009 kl. 13:28]

Auðvitað eru Bretar farnir að sjá að rannsókn á bankahruninu er bara ósköp ómerkileg en rándýr leiksýning. Þessu hef ég nú reyndar haldið fram frá fyrstu dögum, enda augljóst hverjum manni. Það vekur mér mesta athygli að Eva Joly virðist hafa átt frumkvæðið að þessu boði. En auðvitað var þetta sem ég benti hér á verið henni augljóst frá því hún hóf sína vinnu hér.

[Ómar Bjarki Smárason, 8.8.2009 kl. 15:02]

Við ráðum ekki við þetta verkefni ein og því nauðsynlegt að fá aðstoð Breta og Hollendinga, því það hlýtur að vera sameiginlegt áhugamál þessara þjóða að leysa úr þessu verkefni. Og skattakjólin sem peningarnir liggja í eru væntanlega að mestu í breskri lögsögu. Þeir nást tæplega til baka nema með dyggri breskri aðstoð.

Það verður hins vegar að gæta þess að það verði ekki níðst á okkur varðandi rannsóknina, líkt og Financial Times (sbr. lokaorð í grein Helgu Jónsdóttur á miðopnu Morgunblaðsins s.l. fimmtudag) og Evu Joly finnst að Bretar hafi gert í krafti stærðar sinnar og með liðsinni ESB.

Varðandi hugsanlegar breytingar á samkomulaginu um ICESAVE þarf að gera út á þá samúð sem við eigum meðal almennings í Bretlandi og Hollandi. Þetta gerum við með aukinni kynningu á þeirri meðferð sem við þjóðin fengum af hendi auðvisanna (föllnu útrásarvíkinganna) og máttlausra stjórnvalda og eftirlitsstofnanna landsins.

Til að kynna fyrir þessum vinaþjóðum okkar ástandið og hugarfarið enn betur, er rétt að koma á framfæri launakröfum fyrverandi forstjóra fallinna fyrirtækja, sem þeir með græðgi sinni og fávisku komu á hausinn. Þvilíkir idíótar og frekjuhundar.... Það hefur eitthvað misfarist í uppeldi þessara manna, svo mikið er víst. Nema þetta sé bara skítlegt eðli...? Ég bara spyr.

[Helga (IP-tala skráð) 8.8.2009 kl. 17:30]

Þetta kann að vekja von, en hyggilegast held ég að skynsamlegast sé að bíða með að fagna. Að fagna strax birtir að mínu viti vonleysi fólks sem grípur hvert hálmstrá í átakanlegri leit að sannleikanum og sanngirni. Sem er kannski er ekki skrítið! En vonandi veit aðkoma SFO á gott.

[Rakel Sigurgeirsdóttir, 9.8.2009 kl. 23:49]

Tek undir það með þér Ásta að þetta er jákvæð frétt og vonandi verður aðstoðin sem þeir bjóða við aðstoðina þegin! Greinilegt að fréttir af andstöðu margra gegn Icesave hafa ekki þau áhrif á þá að þeir snúi baki við Íslendingum...