Lögregluríkið Ísland

Nú er búið að setja lögbann á umfjöllun fjölmiðla á þessum upplýsingum. Er þetta ekki farið að verða ansi lögregluríkjalegt? Er ekki neyðarástand? Á ekki að vera að vinna að því að komast að hinu sanna í málinu? Átti ekki að koma þeim í hendur laganna varða sem misnotuðu aðstöðu sína innan bankakerfisins skammlaust?

Ég er ekki þolinmóð lengur, ég er bara reið og mér er ofboðið á sálinni. Ég grét yfir grein Evu Joly af einskærri sorg og reiði. Sorg yfir því að enginn hér á Íslandi hefur gert það sem hún er að gera og reiði yfir því sama.

Mér finnst ég vera niðurlægð af mínum eigin stjórnvöldum fyrir gagngert getuleysi þeirra í öllum málum. Mér finnst stjórnvöld mín hafa brugðist mér á allan hátt í öllum málum.

Eigum við að ræða þetta eitthvað frekar? Eru ekki pottar og pönnur málið?

http://wikileaks.org/wiki/Financial_collapse:_Confidential_exposure_analysis_of_205_companies_each_owing_above_€45M_to_Icelandic_bank_Kaupthing%2C_26_Sep_2008

Kaupþing fékk lögbann á RÚV

Athugasemdir

[Sigurjón Þórðarson, 1.8.2009 kl. 19:52]

Ríkisstarfsmaðurinn Finnur Sveinbjörnsson lætur ekki að sér hæða.  Ég hélt að svona gerðist ekki nema í Kóreu og þá í norðurhlutanum.

[Árni Gunnarsson, 1.8.2009 kl. 20:02]

Ríkisstjórn Geirs H. og Björns B, vissi hvað hún var að gera þegar hún skipulagði "uppgjör" gömlu bankanna og skipaði í stöður. Ingibjörg var buguð eftir úrslitin í Öryggisráðskosningunni og Össur var bara .....já hvað á maður að segja um það pólitíska fyrirbæri. Björgvin viðskipta var bara í því að tala landsföðurlega til fólksins með uppörvandi gáfumannasvip.

[Ásthildur Cesil Þórðardóttir, 1.8.2009 kl. 23:37]

Þetta er bara ótrúlegt.  En hafið þið séð þetta? http://video.google.com/videoplay?docid=2699800300274168460&hl=en

[Guðmundur Ásgeirsson, 2.8.2009 kl. 00:22]

Til fróðleiks fyrir þá sem vilja koma á framfæri mótmælum með beinum hætti þá eru hérna upplýsingar um viðkomandi tengiliði:

• Þórarinn Þorgeirsson ([e-mail]) forstöðumaður lögfræðisviðs Kaupþings (netfang fengið úr lögfræðihótun sem birtist á WikiLeaks)

• Rúnar Guðjónsson ([e-mail]) sýslumaður í Reykjavík (netfang fengið af vef sýslumannsembættis)

Koma svo... setja póstþjónana þeirra á hliðina! (ekki gleyma viðhenginu)

[Ómar Bjarki Smárason, 2.8.2009 kl. 00:48]

Það er spurning hvort hægt er að tala um stjórnvöld lengur..... eru þetta ekki bara völd án stjórnar sem við höfum yfir okkur núna..... það lítur alla vega þannig út fyrir mér.... Virk stjórnvöld þurfa góða ráðgjafa og sá eini sem virðist standa undir því nafni er Eva Joly......

[Guðmundur Hannes (IP-tala skráð) 2.8.2009 kl. 12:17]

Lögregluríki.......það er mikill munur á dómsvaldi og framkvæmdarvaldi, lögreglan kemur þessu ekkert við.

[Ásta Hafberg S., 2.8.2009 kl. 12:54]

Fyrirgefðu Guðmundur ætlaði ekki að móðga neina lögreglumenn með þessu. Þetta er meira myndlíking fyrir hvernig mér líður gagnvart ástandinu.

Kær kveðja

Ásta H.S